Proclamatie

Wie, Prins Louis 1 en Sik Rob

Bie de graatsie van ’t carnavaleske Volk de Köttelpeer’n van ’t Joar 2017

• Ölliesjeik en greuntejuwelier van’n doarp
• Oald Judas en’n waag’nzitter met poashoalt haal’n
• Geboaren op ‘n Breenk, joa in hoes, ik bin geboar’n in ’t Zeek’nhoes
• Bie de Greunen oald slötteldrèèger, bij de Froggys piepschoommeester veur de waag’n
• Brandwearkeal in hat en nier’n, BBQ keal met mooi vuur, om wat te vier’n
• FC Twente steunt wie beide met hat en ziel, mer noe in oonze carnavalskiel
• Hij, op de Zundapp rondknapp’n, ik de Puch Maxi van mien zuster ofpakk’n
• Froggy’s van’t earste uur en Köttelpeer’n tot’t letste uur!
• Op de latt’n de lange man, met tennis kan dit klèène kearlke d’r wat van!
• Hadloper um conditie op te bouw’n, fruit oetdeler veurdat ze zich in’t zweet goat sjouw’n.
• Oon’z’n oonderscheiding doar ku’j noar gaap’n, mer ie kunt d’r ok’n pilsje met losmaak’n!

Op veurstel en met goodvinn’n van ’t bestuur van  Carnavalsvereniging “De Köttelpeer’n”en Vorst Hugo VI, met zien’n doar’n Road van Elf, bint Wie beneumd as de twee en vieftigsten Prins en Sik van ’t Köttelpeer’n Doarp veur ’t joar 2017, loat oe wett’n dat:

• ‘n eerst’n aomd oet, bint wie bombadeard tot “de BC van de BC” dus dat begeent a goed.
• Louis tegen Rob: ik heb a’j’t zegd: ik wod nooit Prins “in gin geval”, mer ak’t toch wod, bies doe mien’n Sik met Carnaval
• De vrouwleu de boks an hebt van dit span, zee hebt joa zegd, doarum stoa wie hier dan.
• De Greun’ n dit joar veur’t eerst ’n fantastisch gala hebt maakt’, mer de Köttelpeern hebt ’n Gala wat oons a joar’n raakt.
• Als ze d’r met’n nei’je college nig oetkomt in’n road, steet oonz’n Road van Elf paroat.
• Dinkelland nig alleen kampioen is met “scheid’n in’n road”, mer ok in’t afval ophaal’n van de stroat.
• ‘t hef efkus duurd, mer d’r is noe glasvezel in elke Dèènekampse buurt
• SDC krig veur woning’n op Böggelskaamp gin gèèld, kuw’t mooi wear broek’n as voetbalvèèld
• Amerika hef gin vrouwelijke presidèènt, in Dinkelland bi’w der noe a één joar an wèènt.
• Wie ’n meest’n braand noe wa hebt had, dus; dit carnaval geet’n braandwear plat.
• Oonze VW-busjes elk’n dag scheurt deur de doarper stroat’n, en wat der noe oet koomp:        
  de Prins en’n Sik siene moat’n

En dat al’n’s onder oon’z’n liefsprök:

Met fruit en öllie in de man, wakkert wie het köttelpeernvuurtje an!